ബെംഗളൂരു: ആര്സിബിയുടെ ഐപിഎല് കിരീടവിജയാഘോഷത്തിനിടെ തിക്കിലും തിരക്കിലും പെട്ട് പത്ത് പേര് മരിച്ചതായി റിപ്പോര്ട്ട്. ആറുപേരുടെ നില ഗുരുതരമാണെന്നാണ് ലഭിക്കുന്ന വിവരം. ബെംഗളൂരു ചിന്നസ്വാമി സ്റ്റേഡിയത്തിന് സമീപമാണ് അപകടമുണ്ടായത്. ആയിരത്തോളം പേരാണ് സ്റ്റേഡിയത്തിന് സമീപം തടിച്ചുകൂടിയത്.
ബുധനാഴ്ച ഉച്ചമുതല് തന്നെ സ്റ്റേഡിയത്തിന് സമീപം വന് ജനക്കൂട്ടമാണ് ഉണ്ടായിരുന്നത്. ടീമിന്റെ വിജയാഘോഷവുമായി ബന്ധപ്പെട്ട് ഒട്ടേരെപേരാണ് ഇവിടേക്ക് എത്തിച്ചേര്ന്നത്. ഇത് വലിയ തിക്കും തിരക്കിനും ഇടയാക്കി. ബെംഗളൂരു താരങ്ങള് വിമാനത്താവളത്തില് ഇറങ്ങിയതുമുതല് വന് ജനക്കൂട്ടം ദൃശ്യമായിരുന്നു. ചിന്നസ്വാമി സ്റ്റേഡിയത്തിന് സമീപം ആളുകള് തടിച്ചൂകൂടിയതാണ് അപകടത്തിന് വഴിവെച്ചത്. 25-ഓളം പേര്ക്ക് പരിക്കേറ്റതായാണ് പുറത്തുവരുന്ന വിവരം.
