പൊതു കുളം ഇടിഞ്ഞ് വീടുകൾക്ക് ഭീഷണി

തൃശ്ശൂർ : പൂങ്കുന്നത്തെ പൊതു കുളം ഇടിഞ്ഞ് വീടുകൾക്ക് ഭീഷണി .സീതാറാം മിൽ ലൈനിലുള്ള പൊതുകുളത്തിൻ്റെവീടുകളോട് ചേർന്ന ഭാഗമാണ് വലിയ ശബ്ദത്തോടെ ഇടിഞ്ഞുവീണത് . തിങ്കളാഴ്ച വൈകിട്ടാണ് കുളത്തിന്റെ വശം ഇടിഞ്ഞത് .കുളത്തിന്റെ മതിൽക്കെട്ടിനോട് ചേർന്നുനിൽക്കുന്ന സെൽവന്റെ വീടിൻറെ തറ ഇളകി.സെൽവനും മാതാവു മാത്രമാണ് വീട്ടിലുള്ളത്. കുളത്തിലും വീടിനും ഇടയിൽ റോഡ് ഉള്ളതിനാൽ സമീപത്തെ മറ്റു രണ്ടു വീടുകൾക്ക് ഗുരുതര ഭീഷണിയില്ല .

എങ്കിലും ഏത് സാഹചര്യത്തിലും റോഡ് ഇടിയാൻ സാധ്യതയുണ്ട്. കുളത്തിനോട് ചേർന്ന് നിൽക്കുന്ന വീടായതിനാൽ സെൽവ ന്റെ വീടിനു ഏത് സമയത്തും അപകടം സംഭവിക്കാവുന്ന നിലയിലാണ് . 

അടിയന്തിര നടപടിയെടുക്കണമെന്ന് ജില്ലാ കളക്ടറോടും മേയറോടും അടിയന്തര നടപടിയെടുക്കണമെന്ന് അപേക്ഷിച്ചതായി ഡിവിഷൻ കൗൺസിലർ എം കെ സുരേഷ് പറഞ്ഞു. അധികൃതർ എന്തെങ്കിലും സഹായം ചെയ്തു തരണം എന്ന് സെൽവനും അപേക്ഷിക്കുന്നു .

കുളത്തിൻ്റെ വശത്തു നിന്നിരുന്ന ഇലക്ട്രിക് പോസ്റ്റിന് ഇളക്കം വന്നത് മാറ്റി സ്ഥാപിക്കാൻ കെഎസ്ഇബി അടിയന്തരമായി ഇടപ്പെട്ടു. പ്രദേശവാസികൾ ചേർന്ന് ഇടിഞ്ഞുവീണ കുളത്തിൻ്റെ  മതിൽ പുനർ നിർമ്മിച്ച് വീടിന് സംരക്ഷണം ഒരുക്കാനുള്ള നീക്കം ഇതിനോടകം ആരംഭിച്ചു.