മികച്ച നടനുള്ള ദേശീയ പുരസ്കാരം നടൻ മമ്മൂട്ടി രാഷ്ട്രപതിയിൽ നിന്നും ഏറ്റുവാങ്ങി. ഗുജറാത്തിൽ നടന്ന ചടങ്ങിലാണ് മമ്മൂട്ടി മികച്ച നടനുള്ള പുരസ്കാരം ഏറ്റുവാങ്ങിയത്. രാഹുൽ സദാശിവൻ സംവിധാനം ചെയ്ത ‘ഭ്രമയുഗം’ എന്ന ചിത്രത്തിലെ മികച്ച അഭിനയത്തിനാണ് മമ്മൂട്ടിക്ക് മികച്ച നടനുള്ള ദേശീയ പുരസ്കാരം ലഭിച്ചത്.
‘ചന്ദു ചാംപ്യൻ’ എന്ന ചിത്രത്തിലെ അഭിനയത്തിന് കാർത്തിക് ആര്യനും മമ്മൂട്ടിക്കൊപ്പം പുരസ്കാരം പങ്കിടുന്നുണ്ട്. 72-ാമത് ദേശീയ ചലച്ചിത്ര പുരസ്കാരങ്ങൾ സമ്മാനിക്കുന്ന ചടങ്ങ് ഇത്തവണ ഗുജറാത്തിലെ കെവാദിയിലാണ് നടന്നത്. ഇതാദ്യമായാണ് ചടങ്ങ് ദില്ലിക്ക് പുറത്തു വെച്ച് നടക്കുന്നത്.
വീണ്ടും മമ്മൂട്ടി – അടൂർ കോംബോ; ‘പദയാത്ര’ വരുന്നു, ട്രെയിലർ സെപ്റ്റംബർ 12ന്
പുരസ്കാരം ഏറ്റുവാങ്ങാൻ മമ്മൂട്ടി ഭാര്യ സുൽഫിത്തുമൊത്തായിരുന്നു ഗുജറാത്തിൽ എത്തിയത്. ‘എ.ആർ.എം’ എന്ന ചിത്രത്തിലെ ‘അങ്ങു വാന കോണിലു’ എന്ന സൂപ്പർഹിറ്റ് ഗാനം ആലപിച്ച വൈക്കം വിജയലക്ഷ്മി മികച്ച ഗായികയ്ക്കുള്ള അവാർഡും ഭ്രമയുഗത്തിന് തന്നെ മികച്ച ഛായാഗ്രഹകനുള്ള പുരസ്കാരം ഷെഹ്നാദ് ജലാൽ ഏറ്റുവാങ്ങി. ഇങ്ങനെ നിരവധി പുരസ്കാരങ്ങളാണ് ഇത്തവണ മലയാളത്തിൻ്റെ പ്രിയപ്പെട്ടവർ ഏറ്റുവാങ്ങിയത്.
