മസ്കത്ത്: ജൂലൈ 18-ന് ലോകമെമ്പാടും നെൽസൺ മണ്ടേല ദിനം ആചരിക്കുന്നു. മനുഷ്യാവകാശ പ്രവർത്തകൻ, ദക്ഷിണാഫ്രിക്കൻ മുൻ പ്രസിഡൻറ്, ആധുനികകാലത്തെ മഹാനായ നേതാവ് എന്നീ നിലകളിൽ പ്രശസ്തനായ നെൽസൺ മണ്ടേലയുടെ ജന്മദിനമായ ഈ ദിവസം, അദ്ദേഹത്തിന്റെ ജീവിതവും സംഭാവനകളും അനുസ്മരിക്കുന്നു.
2009-ൽ യു.എൻ ജനറൽ അസംബ്ലി പ്രഖ്യപിച്ച ഈ ദിവസം, ലോകമെമ്പാടുമുള്ള ആളുകളെ 67 മിനിറ്റുകൾ സാമൂഹ്യ സേവനത്തിനായി വിനിയോഗിക്കാൻ പ്രേരിപ്പിക്കുന്നു. മണ്ടേലയുടെ 67 വർഷത്തെ പൊതുസേവന ജീവിതത്തെ ആദരിച്ച്, സമൂഹത്തിനായി മാറ്റങ്ങൾ സൃഷ്ടിക്കാൻ ആഹ്വാനം ചെയ്യുന്നതാണ്.
ദക്ഷിണാഫ്രിക്കയിലും , മറ്റു രാജ്യങ്ങളിലും വിവിധ സമൂഹസേവന പ്രവർത്തനങ്ങൾ സംഘടിപ്പിച്ചിട്ടുണ്ട്, പ്രാദേശിക ആശുപത്രികളിൽ സന്നദ്ധ സേവനങ്ങൾ, സ്കൂളുകളിൽ വിദ്യാഭ്യാസ പ്രോത്സാഹനങ്ങൾ, പരിസ്ഥിതി സംരക്ഷണ പ്രവർത്തനങ്ങൾ എന്നിവ ഉൾപ്പെടുന്നു. ലോകമെമ്പാടുമുള്ള പ്രധാന നഗരങ്ങളിലും മണ്ടേല ദിനവുമായി ബന്ധപ്പെട്ട് വിവിധ പരിപാടികൾ നടത്തിവരുന്നു . യു.എൻ സെക്രട്ടറി-ജനറൽ ഉൾപ്പെടെയുള്ള പ്രമുഖ നേതാക്കൾ മണ്ടേലയുടെ സമാധാന പ്രയത്നങ്ങളെ അനുസ്മരിച്ചു കൊണ്ടുള്ള സന്ദേശങ്ങൾ നൽകും . നെൽസൺ മണ്ടേല ദിനം, സമാധാനത്തിനും നീതിക്കും പ്രോത്സാഹനം നൽകുന്ന ഒരു ചൂണ്ടുപാൽ പോലെ മാറിയിരിക്കുകയാണ്.
മണ്ടേല ദിനം, സമൂഹത്തെ ഭേദപ്പെടുത്തുന്നതിനുള്ള പുതിയ ആശയങ്ങൾ പരിഗണിക്കാനും, എല്ലായിടത്തും ജനങ്ങളുടെ സജീവ പങ്കാളിത്തം ഉറപ്പാക്കാനും പ്രാധാന്യം വഹിക്കുന്നു. മണ്ടേലയുടെ ജീവിതവും, സമാധാനത്തിനും നീതിക്കും വേണ്ടി ഉള്ള അദ്ദേഹത്തിന്റെ പ്രചാരണവും, ലോകത്തിന്റെ വിവിധ ഭാഗങ്ങളിൽ ഉള്ള ജനങ്ങളെ സ്വാധീനിച്ചു കൊണ്ടിരിക്കുകയാണ് .
