മലപ്പുറം: കോഴിക്കോട് അന്താരാഷ്ട്ര വിമാനത്താവളത്തിനു സമീപം എക്സൈസ് സംഘം നടത്തിയ പരിശോധനയില് വന് കഞ്ചാവ് വേട്ട. 10 കിലോഗ്രാം കഞ്ചാവുമായി ഒരു ഇതര സംസ്ഥാനക്കാരനുള്പ്പെടെ മൂന്ന് പേരെ അറസ്റ്റ് ചെയ്തു. ഒഡീഷ സ്വദേശിയും കഞ്ചാവ് മൊത്തവില്പനക്കാരനുമായ സിദ്ധാന്ത് സാബര് (28), പള്ളിക്കല് ഉണ്യാല് പറമ്പ് അമ്പാടംകുഴി സലീം (53), പള്ളിക്കല് ബസാര് കരുവീട്ടില് മുസ്തഫ (47) എന്നിവരാണ് പിടിയിലായത്. ഒഡിഷയില് നിന്ന് കഞ്ചാവെത്തിച്ച് വിപണനം നടത്തുന്ന സംഘത്തിലെ പ്രധാന കണ്ണികളാണിവരെന്ന് എക്സൈസ് ഉദ്യോഗസ്ഥര് അറിയിച്ചു. ഒഡിഷയില് നിന്ന് രഹസ്യമാ യെത്തിച്ച 10 കിലോഗ്രാം കഞ്ചാവ് സിദ്ധാന്ത് സാബര് സലീമിനും മുസ്തഫക്കും കൈമാറുന്നതിനിടെ കരിപ്പൂര് ന്യൂമാന് ജങ്ഷനില് വെച്ചാണ് പിടിക്കപ്പെട്ടത്.
രഹസ്യ വിവരത്തിന്റെ അടിസ്ഥാനത്തില് മലപ്പുറം എക്സൈസ് എന്ഫോഴ്സ്മെന്റ് ആന്ഡ് ആന്റി നാര്ക്കോട്ടിക് സ്പെഷ്യല് സ്ക്വാഡ് സര്ക്കിള് ഇന്സ്പെക്ടര് മുഹമ്മദ് ഷഫീഖും സംഘവും ചേര്ന്ന് പരിശോധന നട ത്തുകയായിരുന്നു. പിടിയിലായ സലിം ആന്ധ്രാപ്രദേശിലെ പാലാസ റെയില്വേ സ്റ്റേഷന് പരിസരത്തുനിന്ന് 100 കിലോഗ്രാം കഞ്ചാവുമായി 2024ല് മേയ് മാസം പിടിക്കപ്പെട്ടിരുന്നു. 2004 നവംബറില് തന്നെ 40 കിലോഗ്രാം കഞ്ചാവ് കടത്തിയതിന് തമിഴ്നാട് ചെന്നൈയിലെ ഗുമിനി ചൂണ്ടി പൊലീസ് സ്റ്റേഷനിലും ഇയാള്ക്കെതിരെ കേസുണ്ട്.
