കൊച്ചി: സംവിധായകന് രഞ്ജിത്തിനെതിരെ പീഡന പരാതി നല്കിയ അതിജീവിതയുടെ പേര് വെളിപ്പെടുത്തി വീഡിയോ പ്രചരിപ്പിച്ച സംഭവത്തില് യൂട്യൂബര് അറസ്റ്റില്.
കൊല്ലം അഞ്ചല് കാട്ടാമ്പള്ളി സ്വദേശി ജിനു കുഞ്ഞുമോനെയാണ് കൊച്ചി സിറ്റി സൈബര് പോലീസ് അസിസ്റ്റന്റ് കമ്മീഷണര് അനില്കുമാര്, എസ്എച്ച്ഒ ഷമീര്ഖാന് എന്നിവരുടെ നേതൃത്വത്തിലുളള പോലീസ് സംഘം ഇന്നലെ രാത്രി കൊല്ലത്തു നിന്ന് അറസ്റ്റ് ചെയ്തത്.
അതിജീവിതയുടെ പരാതിയിലാണ് നടപടി. jinoos 2.0 എന്ന യൂട്യൂബ്, ഫേസ്ബുക്ക് പേജിലൂടെ അതിജീവിതയായ തന്റെ പേര് വെളിപ്പെടുത്തിയെന്നാണ് യുവനടിയുടെ പരാതി. ഏപ്രില് രണ്ടിനാണ് യൂട്യൂബര് വീഡിയോ പോസ്റ്റ് ചെയ്തത്. ഇത് പൊതുസമൂഹത്തിന്റെ മുമ്പില് തന്നെ അപമാനിക്കാനാണെന്നും യുവനടി നല്കിയ പരാതിയില് പറയുന്നു.
