കണ്ണൂർ: കണ്ണൂരിൽ പോക്സോ കേസിൽ മദ്രസാ അധ്യാപകന് 30 വർഷം തടവും ഒരു ലക്ഷം രൂപ പിഴയും. 12 കാരനെ പ്രകൃതി വിരുദ്ധ ലൈംഗിക പീഡനത്തിനിരയാക്കിയ കേസിലാണ് കണ്ണൂർ ഫാസ്റ്റ് ട്രാക്ക് സ്പെഷൽ കോടതി ശിക്ഷ വിധിച്ചത്. 2023 - 24 വർഷങ്ങളിലാണ് കേസിനാസ്പദമായ സംഭവം നടന്നത്. മലപ്പുറം കൂട്ടായി സ്വദേശി ടി പി നസീബ് പഴയങ്ങാടി ഭാഗത്തെ ഒരു മദ്രസയിൽ വെച്ച് 12 കാരനെ പ്രകൃതി വിരുദ്ധ ലൈംഗിക പീഡനത്തിനിരയാക്കുകയായിരുന്നു. പരിയാരം പൊലീസ് അന്വേഷിച്ച കേസിൽ 16 സാക്ഷികളെ വിസ്തരിച്ചു.
