പ്രതിപക്ഷ നേതാവ് വി ഡി സതീശന് നയിക്കുന്ന പുതുയുഗ യാത്രയുടെ വേദിയില് നേതാക്കള് തമ്മില് ഉന്തും തള്ളുമുണ്ടായതിനെ പരിഹസിച്ച് സിപിഐഎം സംസ്ഥാന സെക്രട്ടറി എം വി ഗോവിന്ദന് മാസ്റ്റർ .ഒരു സ്റ്റേജ് പോലും മാനേജ് ചെയ്യാന് കഴിയാത്തവര് എങ്ങനെയാണ് ഒരു സ്റ്റേറ്റിനെ മാനേജ് ചെയ്യുകയെന്ന് എം വി ഗോവിന്ദന് മാസ്റ്റർ ചോദിച്ചു.
ജനത്തിരക്കല്ല കണ്ടത്. സ്റ്റേജിലെ തിരക്ക് ആണ്. ഒരു സ്റ്റേജ് മാനേജ്മെന്റ് പോലും നടത്താന് കഴിയാത്തവര്ക്ക് എങ്ങനെയാണ് സ്റ്റേറ്റ് മാനേജ്മെന്റ് നടത്താനാവുക. അതൊക്കെ ജനം കണ്ടതാണ്. പ്രതികരിക്കാന് ഉദ്ദേശിക്കുന്നില്ല. ഇത് ഇവിടെ മാത്രമല്ല. പരസ്പര സ്നേഹത്തോടെ സ്റ്റേജ് മാനേജ് ചെയ്യാന് കഴിയുന്നില്ല. പിന്നെ നിങ്ങള്ക്ക് എങ്ങനെയാണ് കേരളം പോലൊരു നാടിന്റെ കാര്യങ്ങള് കൈകാര്യം ചെയ്യാനാവുക, എം വി ഗോവിന്ദന് മാസ്റ്റർ ചോദിച്ചു.
