ന്യൂഡല്ഹി: തൊണ്ടിമുതല് കേസില് ജനാധിപത്യ കേരള കോണ്ഗ്രസ് എംഎല്എ ആന്റണി രാജുവിന് തിരിച്ചടി. ആന്റണി രാജു നല്കിയ അപ്പീല് സുപ്രീം കോടതി തള്ളി. ആന്റണി രാജു വിചാരണ നേരിടണമെന്ന് കോടതി വ്യക്തമാക്കി. ഒരു വര്ഷത്തിനകം വിചാരണ നടപടികള് ഉള്പ്പടെ പൂര്ത്തിയാക്കണമെന്നും സുപ്രീം കോടതി നിര്ദേശിച്ചു. ഹൈക്കോടതി വിധിയില് പിഴവില്ലെന്നും എം ആര് അജയന് ഹര്ജി നല്കാന് അവകാശമുണ്ടെന്നും സുപ്രീം കോടതി വ്യക്തമാക്കി.
