രാഹുല് മാങ്കൂട്ടത്തിലിനെതിരായ പരാതിയില് അതിജീവിതയുടെ മൊഴിയെടുക്കുന്നു. തിരുവനന്തപുരം റൂറല് എസ് പി യും സംഘവുമാണ് മൊഴി രേഖപ്പെടുത്തുന്നത്. പെണ്കുട്ടിയുടെ പരാതിയില് പറയുന്ന മൊഴികളില് വകുപ്പുകള് ചുമത്തും. രാഹുലിനെതിരെ പുതിയ എഫ്ഐആര് രജിസ്റ്റര് ചെയ്യും.
അതിനിടെ, രാഹുല് മാങ്കൂട്ടത്തിലിനെതിരെ പ്രതിഷേധം ഉണ്ടായി . രാഹുല് രാജിവെക്കണമെന്ന് ആവശ്യപ്പെട്ട് ഡിവൈഎഫ്ഐ ആണ് പ്രതിഷേധം നടത്തിയത് . രാഹുലിന്റെ പാലക്കാട് എംഎല്എ ഓഫീസിലേക്കാണ് പ്രതിഷേധ മാര്ച്ച്. ഓഫീസ് പരിസരത്ത് വന് പോലീസ് സുരക്ഷ. രാഹുലിന്റെ ഓഫീസിൽ റീത്ത് വെച്ചു.
രാഹുല് മാങ്കൂട്ടത്തിലിനെതിരായ ലൈംഗികാരോപണ പരാതിക്ക് പിന്നാലെ അതിജീവിതയ്ക്ക് പിന്തുണ നൽകി ഫേസ്ബുക്ക് പോസ്റ്റുമായി മന്ത്രിമാർ രംഗത്തെത്തി . മന്ത്രിമാരായ വീണാ ജോർജും വി. ശിവൻകുട്ടിയും ഫേസ്ബുക്കിൽ പിന്തുണയറിയിച്ചു. സിപിഐഎം നേതാവായ പി.പി. ദിവ്യയും ഫേസ്ബുക്കിൽ അതിജീവിതയ്ക്ക് പിന്തുണയറിയിച്ചു.
