കാണിപ്പയ്യൂരിൽ വീട്ടമ്മയുടെ മാല കവർന്ന സംഭവത്തിലെ പ്രതികളെ കുന്നംകുളം പോലീസ് അറസ്റ്റ് ചെയ്‌തു. ആനായ്ക്കൽ സ്വദേശി ആനായ്ക്കൽ വീട്ടിൽ വിനീഷ്, കാണിപ്പയ്യൂർ സ്വദേശിയും നിലവിൽ പാറന്നൂരിൽ താമസക്കാരനുമായ മേൽവീട്ടിൽ ബിജീഷ് എന്നിവരെയാണ് കുന്നംകുളം പോലീസ് അറസ്റ്റ് ചെയ്തത്. കാണിപ്പയ്യൂർ മംഗളോദയം റോഡിൽ താമസിക്കുന്ന അമ്പലത്ത് വീട്ടിൽ 82 വയസ്സുള്ള ശാരദയുടെ ഒന്നര പവൻ തൂക്കം വരുന്ന സ്വർണ്ണമാലയാണ് സ്‌കൂട്ടറിലെത്തി പ്രതികൾ പൊട്ടിച്ചെടുത്തത്.
പരാതി നൽകിയതിന്റെ അടിസ്ഥാനത്തിൽ കുന്നംകുളം പോലീസ് നടത്തിയ അന്വേഷത്തിനൊടുവിൽ ഗുരുവായൂരിലെ സ്വകാര്യ ലോഡ്‌ജിൽ നിന്നാണ് ഇരുവരും പിടിയിലായത്. പ്രതികളെ ഇന്ന് കോടതിയിൽ ഹാജരാക്കും.
