കോഴിക്കോട്: ഗ്യാസ് സിലിണ്ടറിനു തീപിടിച്ച് പൊട്ടിത്തെറിച്ചതിനെ തുടർന്ന് ചായക്കടയിൽ ഉണ്ടായ അഗ്നിബാധയിൽ ഒരാൾക്ക് പരിക്കേറ്റു. കോഴിക്കോട്ടെ മുതലക്കുളത്തെ മൈതാനത്തിന് സമീപമുള്ള ചായക്കടയിലാണ് ഈ അപകടം ഉണ്ടായത്. രാവിലെ 6.50 നാണ് സംഭവം.
അപകടവിവരം അറിഞ്ഞെത്തിയ ഫയർ ഫോഴ്‌സ് ഉദ്യോഗസ്ഥർ പരിക്കേറ്റ ആളെ രക്ഷപ്പെടുത്തി ആശുപത്രിയിലേക്ക് മാറ്റി. കടയിലുണ്ടായിരുന്ന മറ്റൊരാൾ ഓടി രക്ഷപ്പെടുകയായിരുന്നു. സിലിണ്ടറിന് തീപിടിച്ചതിനെ തുടർന്ന് ചായക്കട പൂർണമായും കത്തിനശിച്ചു. വൻ അപകടമാണ് ഒഴിവായത്.
