തിരുവനന്തപുരം: താപനില വര്ധിക്കുന്ന സാഹചര്യത്തില് സംസ്ഥാനത്തെ 12 ജില്ലകളില് നാളെയും യെല്ലോ അലേര്ട്ട് പ്രഖ്യാപിച്ചു. ഇടുക്കി, വയനാട് ഒഴികെയുള്ള ജില്ലകളിലാണ് മുന്നറിയിപ്പ്. സാധാരണയേക്കാള് രണ്ട് മുതല് മൂന്ന് ഡിഗ്രി സെല്ഷ്യസ് അധിക താപനിലയാണ് നിലവില് രേഖപ്പെടുത്തുന്നത്. പാലക്കാട് ജില്ലയില് 39 ഡിഗ്രിവരെയും കൊല്ലത്ത് 38ഡിഗ്രി വരെയുമാണ് താപനില രേഖപ്പെടുത്തിയിരിക്കുന്നത്. അതേസമയം ഒറ്റപ്പെട്ട നേരിയ മഴയ്ക്കും സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പിന്റെ അറിയിപ്പ്.
