തിരുവനന്തപുരം: സംഘര്ഷ സാധ്യത പരിഗണിച്ചാണ് മാനവീയം വീധിയില് നിയന്ത്രണം ഏര്പ്പെടുത്തിയതെന്ന് മേയര് വി വി രാജേഷ്. പുഷ്പവതിയുടെ പരിപാടിക്ക് അപേക്ഷ ലഭിച്ചിട്ടില്ല. അപേക്ഷ തരുന്ന രീതി, അതിന്റെ ആധികാരികത ഇതെല്ലാം പരിശോധിച്ചാണ് അനുമതി നല്കുന്നത്. പരിഗണിക്കാന് സാധിക്കുന്നതെല്ലാം പരിഗണിക്കാറുണ്ടെന്നും മേയര് പറഞ്ഞു. തങ്ങള് ആണ് മാനവീയം എന്നു പറഞ്ഞ് പലരും വരുന്നുണ്ട്. പക്ഷേ തങ്ങള്ക്ക് ആധികാരികമായിട്ടുള്ള രേഖകള് ആവശ്യമാണ്. വ്യക്തിയുടെ പേരില് ആയതുകൊണ്ടല്ല അപേക്ഷ നിരസിച്ചതെന്നും രാജേഷ് വിശദീകരിച്ചു.
