ഉത്സവത്തിന് മുന്നോടിയായി നടക്കുന്ന ദ്രവ്യ കലശത്തിന് നാളെ രാവിലെ സമാപനമാകും. ഏപ്രിൽ ഒന്നാം തീയതി ആരംഭിച്ച ദ്രവ്യ കലശം നാളെ രാവിലെ നടക്കുന്ന ബ്രഹ്മകലശാഭിഷേകത്തോടെ കൂടി സമാപിക്കും.
തുടർന്ന് വൈകിട്ട് 7 30ന് ക്ഷേത്രം തന്ത്രിമാരായ ബ്രഹ്മശ്രീ തെക്കേടത്ത് ശശിധരൻ നമ്പൂതിരി, ബ്രഹ്മശ്രീ അണ്ടലാടി പരമേശ്വരൻ നമ്പൂതിരി, എന്നിവരുടെ മുഖ്യകാർമികത്വത്തിൽ ക്ഷേത്രോത്സവത്തിന് കൊടിയേറും. ക്ഷേത്രോത്സവ കലാപരിപാടികൾക്ക് നാളെ വൈകിട്ട് തുടക്കമാകും. രാത്രി 8 മണിക്ക് കേരള കലാമണ്ഡലം അവതരിപ്പിക്കുന്ന കർണ്ണശപഥം കഥകളി അരങ്ങേറുന്നതാണ്. ചടങ്ങുകൾക്ക് ക്ഷേത്രം പ്രസിഡണ്ട് കെ കെ സുബിദാസ്, സെക്രട്ടറി സുനീഷ് അയിനിപുള്ളി, ട്രഷറർ ഭാസ്കര കുറുപ്പ് എന്നിവർ നേതൃത്വം നൽകും.
