തിരുവനന്തപുരം: സംസ്ഥാനത്ത് അതി ശക്തമായ മഴ തുടരുകാണ്. ഈ സാഹചര്യത്തില് കാലാവസ്ഥ വകുപ്പ് മഴ മുന്നറിയിപ്പില് മാറ്റം വരുത്തി. കണ്ണൂര്, കോഴിക്കോട് ജില്ലകളില് റെഡ് അലര്ട്ട് പ്രഖ്യാപിച്ചു. എറണാകുളം, ഇടുക്കി, തൃശ്ശൂര്, പാലക്കാട്, മലപ്പുറം, കാസര്കോട് ജില്ലകളില് ഓറഞ്ച് അലര്ട്ടാണ്. കോട്ടയം, പത്തനംതിട്ട, ആലപ്പുഴ എന്നിവിടങ്ങളില് ഓറഞ്ച് അലര്ട്ടാണ് പ്രഖ്യാപിച്ചിരിക്കുന്നത്കനത്ത നാശനഷ്ടം വിതച്ചാണ് സംസ്ഥാനത്ത് മഴ രൂക്ഷമാകുന്നത്. മഴക്കെടുതിയിൽ ഇന്ന് മാത്രം സംസ്ഥാനത്ത് 4 മരണമാണ് റിപ്പോർട്ട് ചെയതത്.
കണ്ണൂര് ചൊക്ലി ഒളവിലം വെള്ളകെട്ടില് വീണ് ഒരാള് മരിച്ചു. മേക്കരവീട്ടില്താഴെ കുനിയില് കെ ചന്ദ്രശേഖരന് (63) ആണ് മരിച്ചത്. ഇന്ന് രാവിലെയാണ് മൃതദേഹം കണ്ടെത്തിയത്. ഇന്നലെ വെള്ളക്കെട്ടില് വീണ് കണ്ണൂര് മട്ടന്നൂര് കോളാരിയില് കുഞ്ഞാമിന (51) മരിച്ചിരുന്നു. ഇന്നലെ വൈകീട്ടായിരുന്നു അപകടം. പാലക്കാട് വടക്കഞ്ചേരി കണ്ണമ്പ്ര കൊട്ടേക്കാട് അമ്മയും മകനും വീടിന്റെ മതിൽ ഇടിഞ്ഞ് വീണ് മരിച്ചു. കൊടക്കുന്ന് വീട്ടില് സുലോചന(53), മകന് രഞ്ജിത്(32) എന്നിവരാണ് മരിച്ചത്. ഇന്ന് പുലർച്ചയോടെയാണ് അപകടം നടന്നത്
